Қарағанды облысында құрылыс саласы қалай дамуда

Биылғы жылдың 10 айында құрылыс көлемі 501,5 миллиард теңгені құрады, деп бөлісті Мұрат Мағзин.

"Жыл қорытындысы бойынша біз 593,3 миллиард теңгені болжап отырмыз. Облыс бойынша 2024 жылға арналған тұрғын үйді іске қосу жоспары бойынша 500 мың шаршы метрді құрайды – бұл өткен жылмен салыстырғанда көп. 10 айда тұрғын үйді пайдалануға беру 423 мың шаршы метрді, ал қалалар мен аудандардың деректері бойынша 11 айда күтілетін тұрғын үйді пайдалануға беру 450 мың шаршы метрді құрады", - деді Мұрат Мағзин.

Биыл пайдалануға берілген тұрғын үйдің жалпы көлемінен коммерциялық тұрғын үй 76% – 7, мемлекеттік тұрғын үй 10%–,, жеке тұрғын үй 14% -. құрайды, деп толықтырды спикер. Ал тұрғын үйді пайдалануға беру бойынша көш бастап тұр, әрине, облыс орталығы: Қарағандының үлесі 77% -. құрайды.

"Тұрғын үй құрылысы іс-шараларын іске асыру үшін биыл 24,3 миллиард теңге бөлінді. Бұдан басқа, кредиттік және жалға берілетін тұрғын үй құрылысы жалғасуда: кредиттік тұрғын үйге 5,4 миллиард теңге бөлінді – салынып жатқан объектілер Қарағанды, Балқаш және Абай қалаларында орналасқан – және олар аяқталғаннан кейін 573 кредиттік пәтер пайдалануға беріледі. Облыста жалға берілетін тұрғын үй құрылысы бойынша басқа да жобалар іске асырылуда: облыстық бюджеттен осындай бес жобаны аяқтауға 1,3 миллиард теңге бөлінді – және олар аяқталғаннан кейін 850 жалға берілетін пәтер пайдалануға беріледі", — деп атап өтті Мұрат Мағзин.

Бұдан басқа, биыл халықтың әлеуметтік осал топтарының кезекте тұрғандарын – дайын тұрғын үй сатып алу жолымен жалға берілетін тұрғын үймен қамтамасыз етудің жаңа тетігі әзірленді. Құрылыс, сәулет және қала құрылысы басқармасының басшысы 2024 жылдан бастап жалға берілетін тұрғын үй жеке құрылыс салушылардан сатып алынатынын түсіндірді.

"Кезекте тұрғандардың тұрғын үй мәселелерін жеделдетіп шешу үшін "Қазақстандық тұрғын үй компаниясы"АҚ кепілдігімен қамтамасыз етілген дайын бастапқы тұрғын үй мен тұрғын үйдің мемлекеттік бағалы қағаздарынан және салынып жатқан үлестік құрылыс объектілерінен алынған қаражат есебінен сатып алудың заңнамалық құқығы көзделген. Ағымдағы жылы халықтың әлеуметтік осал топтарынан кезекте тұрған отбасылар үшін 1 097 жалға берілетін пәтер сатып алуды жоспарлап отырмыз. 1 желтоқсандағы жағдай бойынша жалпы сомасы 5,3 миллиард теңгеге 322 пәтер сатып алынды. Қалған қаражатты жыл соңына дейін игереміз: тұрғын үй сатып алу кезең — кезеңімен жүріп жатыр", - деді Мұрат Мағзин.