Қарағанды облысында геологтар 795 мың тонна сирек жер металдарын тапты

2022 жылы басталған зерттеулер 64,2 км2 аумақта жүргізілді және жер қойнауын зерттеудің кешенді әдістерін қамтыды.

Зерттеу кезеңінде келесі жұмыс түрлері орындалды: іздеу маршруттары — 126 п.км; бұрғылау — жалпы ұзындығы 5237 метр болатын 33 ұңғыма; өзектің геологиялық және фотоқұжаттамасы — 4713,3 п. м.; сынама алу: 1228 геохимиялық сынама және 1124 өзек.

Куиректыкөл учаскесі негізінен төменгі-орта девонның Машан формациясының орташа және қышқыл эффузивті жыныстарынан, олардың эффузивті-кластикалық айырмашылықтарынан, орта девонның субвулкандық сілтілі қышқыл түзілімдерінен, суб-сілтілі және сілтілі қышқыл интрузияларынан және бағынышты мөлшерде карбонның терригенді шөгінділерінен тұрады. Барлық аталған жыныстарда сирек кездесетін элементтердің өндірістік концентрациясы бар.

Қорытындысы бойынша төрт перспективалық алаң бөлінді: Дос 1, Дос 2, Дос 3 жәнергыз, онда 935,4 мың тонна сомаға ресурстарға бағалау жүргізілді және қорлар – 795,8 мың тонна есептелді. Бұл ретте, алдын ала деректер бойынша қорларды 2 есеге ұлғайту мүмкіндігі бар.

Күйректікөл Қазақстанның жоғары технологиялық салаларда сұранысқа ие сирек жер металдарын өндірудегі елеулі әлеуетін көрсетеді. Бұл нәтижелер жер қойнауын пайдалануды дамытуға инвестициялар тартуға және Қазақстанның стратегиялық металдардың халықаралық нарығындағы позицияларын нығайтуға ықпал ететін болады.