Қарағандыда көмір өндіретін компанияға экологиялық бұзушылықтар үшін 44 миллион теңге айыппұл салынды

Фото көзі: Қарағанды облысының экология департаменті

3 Желтоқсан, 202416:04 eKaraganda

Қарағанды облысының экология департаменті "Лад-Көмір" ЖШС-на экологиялық заңнаманы бұзғаны үшін 44 миллион теңгеден астам айыппұл салды, деп хабарлайды сайт тілшісі ekaraganda.kz.

Ағымдағы жылдың күзінде Техбаза кентінің тұрғындары Экология департаментіне "Лад-Көмір"ЖШС тарапынан шаңға шағымданып жүгінді. Жоспардан тыс тексеру жүргізілді.

Тақырып бойынша сілтемелер3 Желтоқсан 2024Биылғы жылы № 1 арнайы мектеп-интернатта соңғы буын жабдықтары орнатылды

Экология департаментінің мамандары бірқатар бұзушылықтарды анықтады.

Көміртегі оксиді бойынша 0015 (№6 қазандық) көзіндегі шығарындылар нормативтері 0,3081 г / сек-тен асып түсті. ҚР Экологиялық Кодексінің 202-бабының талаптары бұзылды. ҚР ӘҚБтК-нің 328-бабының 1-бөлігі бойынша 36 400 теңге сомасына әкімшілік айыппұл салынды.

Өнеркәсіптік өнім қоймаларының, буферлік қоймалардың аудандарының ұлғаюына байланысты қоршаған ортаға эмиссиялар нормативтері асып түсті. ҚР Экологиялық кодексінің 90, 39-баптарының талаптары бұзылды. ҚР ӘҚБтК 332-бабының 2-бөлігі бойынша 100 АЕК мөлшерінде және ҚР ӘҚБтК 328-бабының 1-бөлігі бойынша 42 989 648 теңге сомасында әкімшілік айыппұлдар салынды.

Тиісті экологиялық рұқсатсыз және мемлекеттік экологиялық сараптама жүргізбестен жылжымалы ұсақтау-сұрыптау қондырғысының жұмысы анықталды. ҚР Экологиялық кодексінің 106, 90-баптарының талаптары бұзылды. ҚР ӘҚБтК 332-бабының 1-бөлігі бойынша 200 АЕК мөлшерінде және ҚР ӘҚБтК 328-бабының 1-бөлігі бойынша 686 712 теңге сомасында әкімшілік айыппұлдар салынды.

Департамент нақты мерзімдерді көрсете отырып, экологиялық заңнаманы бұзушылықтарды жою туралы нұсқама берді. Нұсқаманың орындалуы ерекше бақылауда.

"Лад-Көмір" ЖШС-не салынған айыппұлдардың жалпы сомасы 44 266 560 теңгені құрады. Барлық айыппұлдар толық көлемде өндірілді.

Бейне көзі: Қарағанды облысының экология департаменті