Ауыр жүктерге арналған таразылар Қарағанды облысының автожолдарында пайда болады

Жүйелер көлік құралдарының нақты тоннасын сағатына 130 шақырымға дейінгі жылдамдықпен тіркей алады. Шамадан тыс жүктеме анықталған кезде жүйе айыппұл салу үшін деректерді уәкілетті органдарға беретін болады. 

Сондай-ақ, басқарма басшысы биыл Қарағанды облысында мың шақырымнан астам автожол жөнделгенін айтты. Учаскелерде ақаулар анықталған кезде мердігер ұйымдар оларды өз есебінен жояды. Стандарттардың сақталуын ұлттық жол активтері сапасы орталығының мамандары мен жергілікті атқарушы органдар қадағалайды. Сынақтар және анықталған бұзушылықтар туралы мәліметтер kazroadlab порталында тіркеледі.

"Ұзындығы 91 км Балқаш — Бурылбайтал автожолының екі учаскесінің құрылысы аяқталды, ұзындығы 50 км үшінші учаскеде асфальттың жоғарғы қабаты Тасаралдан Сарышағанға дейін 17 км төселді. Өткен үш жылда Қарағанды-Қарқаралы автожолының 115 шақырымына орташа жөндеу жүргізілді. Қалған 85 шақырымды жөндеу жобасы ауыспалы болады және келесі жылы аяқталады, соның есебінен Қарағандыдан Қарқаралыға дейінгі 200 шақырымдық барлық автожол жөндеумен қамтылады", - деді Жолаушылар көлігі және автомобиль жолдары басқармасының басшысы Мақсұт Қожанов.

Жолшылардың басты проблемаларының бірі-битумның жетіспеушілігі. Тапшылықты импорт есебінен жабу жоспарлануда. Ресейден шамамен 500 мың тонна жеткізіледі.

"Қарағанды облысында жалпы көлемі 48 мың тонна болатын 42 битум қоймасы жұмыс істейді. Бұл көлем жеткіліксіз, жол-құрылыс маусымында өңірде битумның қажеттілігі шамамен 200 мың тоннаны құрайды. Осыған байланысты, битум тапшылығы қаупін азайту мақсатында мердігер ұйымдарға битум қоймаларын ұлғайту бойынша жоспарлы жұмыс жүргізу ұсынылды", — деп толықтырды М.Қожанов.