Қарағанды облысында мыңға жуық адам банкрот деп танылды

Сурет көзі: Pixabay / csamhaber

20 Қараша, 202418:03 eKaraganda

Ағымдағы жылдың тоғыз айында 955 борышкер банкрот деп танылды. Бұл туралы брифингте Қарағанды облысы Мемлекеттік кірістер департаменті басшысының орынбасарының міндетін атқарушы Алданыш Адамбеков мәлімдеді.

Мемлекеттік кірістер департаменті банкрот кәсіпорындарды мемлекеттік бақылау бойынша тұрақты негізде жұмыс жүргізуде. Мәселен, 2024 жылғы 1 қазандағы жағдай бойынша біздің облыста 111 банкрот кәсіпорын бар. Берешектің жалпы сомасы-81 миллиард теңге, оның ішінде 96 банкрот бойынша салық берешегі 20 миллиард теңгені құрайды.

Есепті күнге 7 банкрот бойынша 495 миллион теңге сомасындағы берешек, оның ішінде жалпы сомасы 279 миллион теңгеге төрт борышкер бойынша бюджет алдындағы берешек өтелді.

Банкроттар саны ұқсас кезеңмен салыстырғанда 34-ке азайды, берешек сомасы 161 миллиард теңгеге азайды.

"Қазақстан Республикасы азаматтарының төлем қабілеттілігін қалпына келтіру және банкроттық туралы" ҚР Заңы рәсімнің үш түрін қамтиды: соттан тыс банкроттық, сот банкроттығы, төлем қабілеттілігін қалпына келтіру. Жыл басынан бері 6 176 өтініш келіп түсті. Оның ішінде 955 борышкер банкрот деп танылды.