Балқаштан Түркістан, Шымкент және Өскемен қалаларына ұшуға болады

Қазір Балқаш әуежайы жазғы кезеңде тек Астана және Алматы бағыттары бойынша ұшақтар шығарады. Қарағанды облысының билігі маусымдықты болдырмауды, жолаушылар ағынын арттыруды және әуежайдың жыл бойы жұмыс істеуіне қол жеткізуді жоспарлап отыр. 

Қазіргі уақытта № 2 такси жолын және әуеайлақтың перронын қайта жаңарту жұмыстары жалғасуда. Жобаның жалпы құны 3,8 миллиард теңгені құрайды. 2024 жылға 2,5 миллиард теңге бөлінді.

Қыркүйек айында Балқаш әуежайының ғимаратын қайта жаңарту жобасын іске асыру басталды. Бұл әуежайдың өткізу қабілетін арттыруға, жолаушылар үшін қолайлы жағдай жасауға, мобильділігі төмен азаматтар үшін қолжетімділікті қамтамасыз етуге мүмкіндік береді, әуеайлақтың сипаттамалары мен параметрлері ұсынымдарға сәйкес келтірілетін болады.

"Біз көп жұмыс істеп жатырмыз. Осыдан кейін барлық әуе кемелері осында отыра алады", - дейді Жолаушылар көлігі және автомобиль жолдары басқармасының басшысы Мақсұт Қожанов.

Нысанға 25 бірлік арнайы техника және 50 жұмысшы жұмылдырылды. Жұмыстар бекітілген жұмыс кестесіне сәйкес жүргізіледі.

Балқаш әуежайы 1967 жылы салынған. Онда соңғы ішінара жөндеу 2007 жылы жүргізілді. Жүргізілген қайта құру жолаушылар ағынын жылына 13-тен 40 мың адамға дейін 3 есеге арттыруға мүмкіндік береді деп болжануда.