Қазақстанда қанша адам тұрады

Фото: Мұхтор Холдорбеков / Kazinform

12 Қараша, 202411:39

«Казинформ»

2024 жылғы 1 қазандағы жағдай бойынша халық саны 20 223 218 адамды құрады, оның ішінде қала тұрғындары – 12 704 977, ауыл тұрғындары – 7 518 241 адам. 9 ай ішінде халықтың жалпы өсімі 189 376 адамды құрады, деп хабарлайды kazinform агенттігі Ұлттық статистика бюросының баспасөз қызметіне сілтеме жасап.

Ағымдағы жылдың 9 айында Қазақстанда 278,7 мың бала дүниеге келді, қайтыс болғандар саны 99,5 мың адамды құрады. Осылайша, халықтың табиғи өсімі 179,2 мың адамды құрады.

Тақырып бойынша сілтемелер10 Қараша 2024Қазақстанда қандай вакциналар әзірленді

Туудың ең жоғары деңгейі Түркістан (1000 тұрғынға 25,04 адам), Маңғыстау (24,84) облыстарында және Шымкент қаласында (23,68) байқалды.

Өлім-жітімнің ең жоғары деңгейі Солтүстік Қазақстан (1000 тұрғынға шаққанда 11,52), Шығыс Қазақстан (11,32) және Қостанай облыстарында (10,12) байқалды, бұл осы облыстар халқының жас құрылымына байланысты.

Сонымен қатар, алты айда 95 мың неке және 29,3 мың ажырасу тіркелді.
2024 жылғы қаңтар-қыркүйекте елге келгендер саны 20 383 адамды құрады, елден кеткендер саны 10 201 адамды құрады. Көші-қон сальдосы 10 182 адамды құрады.

2023 жылдың тиісті кезеңімен салыстырғанда Қазақстанға келгендер саны 6,5% - ға, Қазақстаннан кеткендер саны 19,9% - ға азайды%;

Елдің негізгі көші-қон алмасуы ТМД мемлекеттерімен жүреді. ТМД елдерінен келгендердің үлесі 79,7%, бұл елдерге кеткендердің үлесі 76,9% құрады.

Ел шегінде көшіп келушілер саны 2023 жылдың тиісті кезеңімен салыстырғанда 47,4% - ға өсті. Өңіраралық қозғалыстар бойынша халықтың көші-қонының оң сальдосы еліміздің 4 өңірінде: Астана (52853 адам), Алматы (26157 адам), Шымкент (5948 адам) қалаларында және Алматы облысында (765 адам) қалыптасты.