Қазақстанда қанша шетелдік түрме жазасын өтеп жатыр

Құжат сотталғандарды өздері азаматы болып табылатын елдің қоғамына қайта кіріктіруге көмек көрсетуі тиіс. Шарттың мәтінінде мұндай адамдарды берудің шарттары мен тәртібі жазылған. Негізгі талаптардың бірі-сотталушының немесе оның заңды өкілінің жазбаша келісімінің болуы. Ол ерікті және саналы болуы керек.

"Шартты ратификациялау екі елдің сотталған адамдарды беру мәселелері бойынша құқықтық ынтымақтастығының тиімділігін арттырады және екіжақты қатынастарды нығайтуға ықпал ететін болады. Шартты ратификациялау кезінде оны іске асыру теріс әлеуметтік-экономикалық және құқықтық салдарға әкеп соқпайды, сондай - ақ мемлекеттік бюджеттен қосымша қаржылық шығындарды талап етпейді", - деді сенатор Наурызбай Байқадамов.

Сенат депутаты Евгений Болгерт құжаттың екі елдің құзыретті органдары арасындағы қатынастарды құқықтық реттеуге арналғанын нақтылады. Қазір мұндай шарттар 23 елмен, оның ішінде Қытай, Түркия және Біріккен Араб Әмірліктерімен жасалды.

"Соңғы бес жылда ғана басқа елдерден Қазақстанда жазасын өтеу үшін 160 азамат берілді, біздің елде тағы 900 адам жазасын өтеп жатыр. Бұдан басқа, бұл шарт екіжақты қатынастарды нығайтып қана қоймай, әлеуметтік оңалту және адам құқықтарын қорғау қағидаттарын іске асыру үшін құқықтық негіздер жасайды. Осыған байланысты сотталған адамды өзі азаматы болып табылатын мемлекетке қылмыстық жазаны орындау үшін беру сотталған адамды өзіне неғұрлым қолайлы ортаға ауыстырудың арқасында оны орындаудың тиімділігін арттыруға есептелген, бұл сотталған адамның құқықтарының шектеулерін қысқартуға да әкеп соғады", - деп қосты сенатор.