Тағы бір ел Қазақстанға қылмыскерлерді береді

Сурет Midjourney нейрондық желісінің көмегімен жасалған

31 Қазан, 202418:32

Tengrinews

Сенат депутаттары Қазақстан мен Вьетнам арасындағы Сотталған адамдарды беру туралы шартты ратификациялады, деп хабарлайды корреспондент Tengrinews.kz.

Елдер арасындағы шарт сотталғандарды беру шарттары мен тәртібін регламенттейді. Бұл ретте сотталған немесе оның заңды өкілі ерікті және саналы болуға тиіс жазбаша келісім беруі қажет.

Сондай ақ құжатта сотталған адамды беру үшін мынадай шарттар белгіленген:

сотталған адам Қазақстан немесе Вьетнам азаматы болуы керек;
ол сотталған әрекет екі елде де қылмыс деп танылуы керек;
беру туралы сұрау салу алынған уақытта сотталғанға қатысты шығарылған үкім заңды күшіне енді және сотталған адамның өтеуіне жататын уақыт кезеңі кемінде бір жылды құрайды;
сотталған адамға қатысты үкім күшіне енді және оны беретін елде бұл азаматқа қатысты басқа қылмыстық рәсімдер жоқ;
екі тарап та беруге келіседі;
сотталғанның немесе оның заңды өкілінің жазбаша келісімі бар, егер сотталғанның өзі жасына, физикалық немесе психикалық жағдайына байланысты беруге келісім бере алмаса.

Әрбір тарап беру туралы дербес шешім қабылдау құқығын сақтайды және кез келген шешім дәлелді болуға тиіс. Құжатта сондай-ақ оны орындауға байланысты шығыстарды, Шартты түсіндіруге немесе қолдануға байланысты Тараптар арасындағы келіспеушіліктерді реттеу тәртібін реттейтін нормалар көзделген.

Тақырып бойынша сілтемелер31 Қазан 2024Адам саудасының құрбандарын анықтау ережелері бекітілді

Бұған дейін Қазақстан мен Вьетнам арасындағы шартты ратификациялау туралы Заң жобасын Мәжіліс қабылдаған болатын.