Қарағандыда демалыс күндері полицейлер мыңнан астам әкімшілік құқық бұзушылықты анықтады

Оның ішінде қоғамдық тәртіпті қорғау желісі бойынша 280, жол қауіпсіздігі желісі бойынша 795 факт.

- Сонымен қатар, патрульдеушілер бес қылмыстық құқық бұзушылықты ашты, – деді Қарағанды облысы ПД бастығының міндетін атқарушы Жасқайрат Қайыров.

25 қазанда Қарағанды қаласының Гоголь көшесіндегі патрульдік полиция полкінің қызметкерлері алкогольдің өткір иісі шыққан 50 жастағы жүргізушінің басқаруымен автокөлікті тоқтатты. Куәландыру оның мас күйінде екенін анықтады. Ер адам 15 тәулік мерзімге әкімшілік қамауға алынып, жеті жылға көлік құралын басқару құқығынан айырылды.

26 қазанда Mercedes маркалы жеңіл автокөлікті басқарған 31 жастағы ер адамға қатысты бірден үш әкімшілік хаттама жасалды. Жүргізуші полиция қызметкерлерінің алкогольдік, есірткілік немесе уытқұмарлық мас күйіне куәландырудан өту туралы заңды талаптарын орындамады.

Сондай-ақ, көлік құралын тексеру кезінде жүргізушінің белгілі жалған мемлекеттік нөмір орнатқаны белгілі болды. Ол көлік құралдарын пайдалану ережелерін бұзғаны және куәландырудан жалтарғаны үшін жауапқа тартылды. Сот бұзушыны 25 тәулікке әкімшілік қамауға алу туралы шешім шығарды және оны сегіз жылға көлік құралын басқару құқығынан айырды.

27 қазанда сағат 00.50 шамасында Терешкова көшесімен келе жатқан автомобиль патрульдік полиция полкі қызметкерлерінің назарын аударды. Олар 38 жастағы ер адамның басқаруымен көлікті тоқтатты. Ол 2021 жылдың тамызында жеті жыл мерзімге басқару құқығынан айырылғаны анықталды.

Сонымен қатар, медициналық куәландыру қорытындысына сәйкес ер адам мас күйінде болған. Мас күйінде басқару құқығынан айырылған адамның көлік құралын басқару фактісі бойынша қылмыстық іс қозғалды.

- Құқық бұзушы ұсталды және уақытша ұстау изоляторына қамалды. Жыл басынан бері осындай қылмыстар үшін 47 жүргізуші қылмыстық жауапкершілікке тартылды, - деп атап өтті Ж. Қайыров.