Колледждерде кадрларды даярлаудың халықаралық стандарттары енгізілуде

Фото: © ҚР Үкіметінің баспасөз қызметі

27 Қазан, 202412:08

ҚР Премьер-Министрінің орынбасары Тамара Дүйсенова Pearson компаниясының өңірлік директоры Аркадиуш Жаворскиймен кездесу өткізді, оның барысында қазақстандық мамандарды оқыту және сертификаттау мәселелері талқыланды, деп хабарлайды АА El.kz Үкіметтің баспасөз қызметіне сілтеме жасай отырып.

Pearson-әлемдегі жетекші білім беру компанияларының бірі және Ұлыбританиядағы ең ірі біліктілікті сертификаттау ұйымы. Білім беру бағдарламалары мен бағалау саласындағы халықаралық сарапшылармен ынтымақтастықтың арқасында Pearson әлемдік деңгейдегі біліктілік стандарттарын әзірлейді. Компанияның тізіміне кіретін BTEC сертификаты 70-тен астам елде танылады.

Тақырып бойынша сілтемелер27 Қазан 2024Қазақстанда ағаш материалдарын әкетуге тыйым салуды ұзарту жоспарлануда

Вице-премьер жұмыс берушілердің техникалық тапсырмаларын (кәсіптік стандарттар), оларға сәйкес келетін білім беру бағдарламаларын және осы бағдарламалар бойынша білім алушылардың білім деңгейін, іскерліктері мен дағдыларын бағалауды (сертификаттау) қамтитын ұлттық Біліктіліктің отандық жүйесін дамыту туралы айтып берді.

Мемлекет басшысының тапсырмасы бойынша жоғары білім беруді интернационалдандыру басталды. Елде 23 танымал шетелдік университет жұмыс істей бастады. Орта және кәсіптік білім беруді трансформациялау бойынша шаралар қабылдануда. ТжКБ нарық үшін кадрлар даярлау базасына айналуы тиіс.

"Қазір құрылыс, энергетика, мұнай-газ секторы салаларында мамандар даярлайтын бірқатар колледждер халықаралық стандарттарды қолданады. Бұл процесті жалғастыру біз үшін өте маңызды. Бұл бағытта, менің ойымша, біз тиімді ынтымақтаса аламыз", - деп атап өтті Тамара Дүйсенова.

Pearson компаниясының өкілі халықаралық білім беру стандарттарын және тәуелсіз сертификаттау жүйесін енгізу мәселелері бойынша бейінді министрліктермен ынтымақтастыққа дайын екендігін білдірді.

"Стандарттарды әзірлеу кезінде біз жұмыс берушілердің сұраныстарына назар аударамыз. Біз біліктілік стандарттарын құру, оқу бағдарламаларын бағалау және қажет болған жағдайда оларды жетілдіру бойынша бірлесіп жұмыс істеуге дайынбыз", — деп атап өтті Аркадиуш Жаворский.