Елімізде көші қон саясатын жүзеге асыру үшін экономикалық ұтқырлық сертификаттары енгізілді

2023 жылдан бастап ҚР-ның 2023-2027 жылдарға арналған көші-қон саясатының тұжырымдамасын іске асыру шеңберінде жұмыс күші артық өңірлерден еңбек тапшылығы бар өңірлерге ерікті түрде қоныс аударуды ынталандыру үшін экономикалық ұтқырлық сертификаттары енгізілді.

Мұндай сертификаттар қандастарға және Үкімет белгілеген қоныстану аймақтарына тұрақты тұруға көшкен ішкі қоныс аударушыларға беріледі. Сертификаттар тұрғын үйді сатып алу үшін оның құнының 50% мөлшерінде өтеусіз және қайтарымсыз негізде бір рет беріледі.

Бүгінгі таңда сертификаттар (СЭМ) 1246 отбасына берілді.

Материалдық көмекті жергілікті атқарушы орган тұрғын үй сатып алу, салу немесе келу аймағындағы тұрақты тұру пунктінде ипотекалық тұрғын үй қарыздары бойынша бастапқы жарнаның бір бөлігін жабу үшін көрсетеді.

Сондай-ақ, қоныс аударушыларға экономикалық ұтқырлық сертификатынан басқа мемлекеттік қолдаудың мынадай шаралары ұсынылады:

Көшуге арналған Субсидия – бір уақытта басшыға және отбасының әрбір мүшесіне 70 АЕК мөлшерінде (258 440 теңге).

Тұрғын үй жалдауға және коммуналдық қызметтерге ақы төлеуге субсидия-ай сайын, 12 ай ішінде отбасы мүшелері мен елді мекен санына байланысты 15-тен 30 АЕК-ке дейінгі мөлшерде (55 380-ден 110 760 теңгеге дейін).

Қысқа мерзімді кәсіптік оқытуға жолдама.

Жұмысқа орналасуға немесе кәсіпкерлік бастаманы дамытуға жәрдемдесу.

Өңіраралық қоныс аударуға жәрдем көрсететін жұмыс берушіге кемінде екі жыл мерзіммен тұрақты жұмысқа орналасу және тұрғын үймен қамтамасыз ету (1 476 800 теңге) шартымен қабылданған әрбір қызметкер үшін 400 АЕК мөлшерінде жұмысқа орналасуға біржолғы субсидия беріледі.