Республика күніне орай Қазақстанда қосымша пойыздар іске қосылды

"Қазақстан темір жолы" АҚ баспасөз қызметінің мәліметінше, қосымша пойыздар осы жылдан бастап келесі бағыттар бойынша жүретін болады:

Ақтөбе-Шалқар бағыты бойынша № 630/629 пойызы 22 қазаннан бастап бір күннен кейін қатынайды;

Астана – Шымкент бағыты бойынша № 204 пойыз күн сайын 21 қазаннан бастап қатынайды;

Шымкент – Алматы бағыты бойынша № 216 пойыз күн сайын 22 қазаннан бастап қатынайды;

№ 201 поезд Алматы – Астана бағыты бойынша 23 қазаннан бастап күн сайын қатынайтын болады.

"Пойыздардың құрамында купе және плацкарт вагондарын қоса алғанда, әртүрлі қызмет көрсету кластарындағы вагондар болады", – деп атап өтті компания.

Сондай – ақ, қала маңындағы бағытта, 25 және 27 қазанда Қарағанды-Астана жүрдек электр пойызының бағыты Бурабай курорты станциясына дейін ұзартылады. Бұдан басқа, 25, 26 және 27 қазанда Ерейментау – Астана – Көкшетау бағыты бойынша электр пойызының құрамы қосымша вагондар қосу есебінен ұлғайтылатын болады.