Қарағанды облыстық сотында жаңа тағайындаулар

1 Шілде, 202312:34

Бүгін Қарағанды облыстық сотында 2023 жылдың 6 айында өңір соттарының сот төрелігін жүзеге асыру қорытындысы бойынша кеңейтілген кеңес өткізілді, деп хабарлайды krg.sud.kz.

Кеңеске алқа төрағалары, облыстық соттың судьялары, Қарағанды облысы бойынша Сот әкімшілігі департаментінің басшылығы, аудандық және оларға теңестірілген соттардың төрағалары мен судьялары қатысты.

Облыстық соттың төрағасы Ерден Арипов іс-шараны ашып, отырыс бағдарламасымен, кадрлық өзгерістермен таныстырды. Қазақстан Республикасы Президентінің ағымдағы жылғы 26 маусымдағы Жарлығымен Қарағанды облыстық сотының судьялары болып Талғат Нығметов пен Айгүл Смайылова тағайындалды. Судьялар салтанатты түрде Қарағанды қаласының №2 Әлихан Бөкейхан аудандық сотының судьясы Марат Әміровты құрметті отставкаға жіберді.

Бірінші және апелляциялық сатыдағы соттардың сот төрелігін іске асыруының сандық және сапалық көрсеткіштері туралы қылмыстық істер жөніндегі сот алқасының төрағасы хабардар етті

Рашид Нұрмағамбетов, азаматтық істер жөніндегі сот алқасының төрағасы Шахатбек Әбдіров, әкімшілік істер жөніндегі сот алқасының төрағасы Мұрат Тоғанбаев.

Судьялық әдеп жөніндегі комиссия мен жеке және заңды тұлғалардың судьялардың іс-әрекеттеріне өтініштерін қарау жөніндегі топтың жұмысы туралы облыстық соттың судьялары Бақытжан Маймақов пен Саят Оразбаев баяндады.

Кеңесті қорытындылай келе, облыстық соттың төрағасы Е. Арипов сот төрелігін іске асыру сапасын және сот актілерін жасау сапасын арттыруды тапсырды, сондай-ақ сот актілерін "Төрелік" АЖ-ға уақтылы салу, іс жүргізу мерзімдерін бұзуға жол бермеу, азаматтық сот ісін жүргізуде медиацияны қолдануды кеңейту қажеттігін атап өтті.