Шахтинск автобустарында электронды қамтамасыз ету жүйесін іске қосу үшін жабдықтар орнатылады

Жүйені ағымдағы жылдың соңына дейін енгізу жоспарлануда:

"Саран, Балқаш, Теміртау қалаларында электронды билет былтырғы жылдан бері жұмыс істеп келеді. Жыл соңына дейін Шахтинск автобустарын жүйемен қамтуды жоспарлап отырмыз", - дейді Жолаушылар көлігі және автомобиль жолдары басқармасының басшысы Мақсұт Қожанов.

Шахтинск әкімдігінің баспасөз қызметінде қазіргі уақытта жүйені іске қосуды келісу бойынша рәсімдік мәселелер, сондай-ақ жобаның техникалық бөлігі, атап айтқанда автобустарда жабдықтар орнату, төлем карталарын дайындау және т.б. аяқталу сатысында тұр деп жауап берілді.

Қыркүйек айында Теміртауда 7 жастан 18 жасқа дейінгі балаларға тегін жол жүру құқығы берілді, Қарағандыда балалар ағымдағы жылдың мамыр айынан бастап тегін жүреді.

Өңірде қоғамдық көлік жүргізушілерінің тапшылығы проблемасын шешу жалғасуда.

"Облыс бойынша 300-ден астам жүргізуші жетіспейді. Бұл өте қиын сұрақ. Біз басқа аймақтардан әкелеміз, адамдар вахталық әдіспен жұмыс істейді. Автопарктер қызметтік тұрғын үймен қамтамасыз етеді. Бірақ тапшылық бар. Жалақы өте жақсы болғанымен — 350-400 теңгеден 1 миллион теңгеге дейін. Жалақы ауысымдар мен рейстердің санына байланысты", - дейді Мақсұт Қожанов.

Сондай-ақ, жылжымалы құрамды жаңарту жұмыстары жалғасуда. Ағымдағы жылы Теміртауда 23 жаңа автобус, Абай ауданында 4 автобус сатып алынды. Қыркүйек айында № 100 Қарағанды-Теміртау бағыты бойынша жылжымалы құрамның жартысын жаңартып, 4 жаңа автобус іске қосылды.