Қарағанды облысында ферросиликоалюминий өндіретін зауыт пайда болады

Осылайша, "Линде Газ Казахстан" ЖШС инвестициялық жобасының алаңына бару барысында делегация техникалық газдар шығаратын ауа бөлетін қондырғылардың өндірістік циклімен танысып, компанияның Қазақстандағы қызметін одан әрі кеңейту әлеуетін талқылады. 2009 жылы құрылған кәсіпорын оттегі мен азот сияқты өнеркәсіптік газдарды өндіруге маманданған. Бұрын іске асырылған жобалардың сомасы шамамен 200 млн АҚШ долларын құрайды. 

Бұдан әрі делегация "Qarmet" АҚ қазақстандық ірі болат және тау-кен өндіру компаниясының металлургиялық комбинатында болып, онда Домна пешінің жұмысы, сондай-ақ ыстық мырыштау және алюминий цехының жұмыс істеуі көрсетілді. "Qarmet" АҚ негізгі қызметінен басқа, әлеуметтік салада бірқатар жобаларды іске асырды. Атап айтқанда, Теміртау қаласында саябақ салынып, трамвай инфрақұрылымын қалпына келтіру жұмыстары басталды. Компанияның бас директоры Вадим Басинмен кездесу барысында тараптар компанияның өндіріс пен өндірістік қуаттылықты ұлғайту, логистикалық мәселелерді шешу, сондай-ақ инвестициялық қызметті кеңейту жөніндегі жоспарларын талқылады.

Сапар барысында А. Қуантыров диірмендерге арналған футерлерді өндіруге маманданған "POLYMET Solutions Corporation" ЖШС кәсіпорнының қызметімен танысты. Зауыт 2020 жылы іске қосылды және қазіргі уақытта оның өнімдері көрші нарықтарға белсенді түрде экспортталуда. Бұған дейін 2024 жылы кәсіпорын алаңында "OKUMA"жоғары дәлдіктегі фрезерлік өңдеу орталығы пайдалануға берілген болатын. Нысан басшылығымен кездесуде өндірісті дамыту жоспарлары, оның ішінде құю зауытын салу жобасы талқыланды.

Министрдің орынбасары 2021 жылы іске қосылған және Ресей мен Қырғызстанға өнім экспорттайтын "Алтын Арна Geosynthetics" ЖШС геомембрана өндіру зауытының қызметімен танысты, сондай-ақ "Qaragandy Power Silicon"ЖШС ферросиликоалюминий өндіру зауытының құрылыс алаңына барды.

Бұдан басқа, "Сарыарқа" АЭА аумағында облыс әкімінің орынбасары Ермек Алпысовпен және басқарушы компаниямен бірлесіп АЭА-ны қажетті инфрақұрылыммен және электрмен жабдықтаумен қамтамасыз ету мәселелері талқыланды. Сондай-ақ, рұқсат беру құжаттарын алу, инфрақұрылымдық қамтамасыз ету және өткізу нарығына байланысты мәселелер бойынша өзекті мәселелер қозғалды. Инвестициялық штабқа одан әрі шығара отырып, бірқатар мәселелерді қарау туралы шешім қабылданды.

Сапар қорытындысы бойынша делегация Қарағанды облысының әкімі Ермағанбет Бөлекпаевпен өңірдегі өнеркәсіпті одан әрі дамыту және инвестициялар тарту үшін қажетті шараларды талқылау үшін кездесті.