Құлсары көшелерінен 3 мың тоннадан астам құрылыс қоқысы шығарылады

Жылыой ауданының әкімдігі, ТШО және мердігер компания арасында үшжақты келісім жасалды. Меморандум шеңберінде су тасқыны мен жүргізілген жөндеу жұмыстарынан кейін қалған ірі көлемді қоқыстарды жою жоспарлануда. Жүргізіліп жатқан жұмыстарға "Теңізшевройл"компаниясы демеушілік көмек көрсетті. 

⁃ Су тасқынының салдарын жою мақсатында қалалық коммуналдық қызметтерге үлкен жүктеме жүктелді. Сондықтан біз" Теңізшевройлға "демеушілік көмек сұрадық және ТШО бұл бастаманы қолдағанына қуаныштымыз". Меморандум аясында Құлсары қаласының 18 көшесінен 3 мың тоннадан астам құрылыс қоқысын шығару жоспарлануда. Жұмыстар екі аптаның ішінде жүргізілетін болады, - деді Құлсары қаласының әкімі Қадыржан Адинов.

Үшжақты меморандум аясында Құлсары көшелерінен қоқыс жинауға 4 жүк тиегіш пен 10 самосвал бөлініп, мердігер ұйымның 25 қызметкері тартылды.

ТШО ҰБТ су тасқыны кезінде зардап шеккен тұрғындарға әлеуметтік жауапты компания ретінде қолдау көрсетті. Бұл жолы біз Жылыой ауданы әкімдігінің бастамасын қолдауға шешім қабылдадық және Құлсары көшелерін құрылыс қоқыстарынан тазарту үшін демеушілік көмек көрсеттік. Алғашқы аязға дейін жұмыстарды аяқтап, қаланың келбетін тиісті түрге келтіруге көмектесеміз деп үміттенеміз, - деді Жылыой ауданындағы "Теңізшевройл" компаниясының өкілі Нұрлан Ерғалиев.

Жалпы алғанда, ТШО Құлсары қаласына су тасқынына қарсы күреске 100-ге жуық арнайы техника жіберді, компания жұмысшылар үшін ыстық тамақ ұйымдастырды. Екі ай бойы ауданға 550 мың литрден астам ЖЖМ тегін берілді. Су тасқыны кезінде компанияның автобустарында ауданның 7000-нан астам тұрғыны Теңіз кен орнындағы мердігер компаниялардың вахталық кенттеріне көшірілді.
 

Теңізшевройл ақпараты бойынша.