Бокс өмір мектебі іспетті: Қарағандыда «Тренер аға» спорттық драмасы таныстырылды

Фото: Unico Play

13 Февраля, 202616:10

12 ақпанда Қарағанды қаласында «Тренер ағаның» жабық көрсетілімі өтті. Бұл Unico Play онлайн кинотеатрынан бокстың жастардың мінезін дамыту құралы және жаттықтырушының өмірлік тәлімгер ретіндегі рөліне арналған алғашқы спорттық драма.

«Тренер аға» – сериалы бұрынғы боксшы Дарханның өмір жолын баяндайды. Ол сегіз жыл бойы араласпаған әкесінің қазасына байланысты туған қаласына келеді. Ескі бокс залы – әкесінен қалған жалғыз мұра. Бір кездері бұл залда талай жасөспірім тәрбиеленіп, өмірге бағыт-бағдар алған еді. Залды жергілікті кәсіпкер қомақты қаржыға сатып алуды ұсынады. Алғашында Дархан бұл ұсынысты қабылдай салуды ойлайды. Алайда көп ұзамай әкесінің өліміне қатысты күмәнді жайттар шығып, өткеннің көмескі беттері ашыла бастайды.

Өткенді білуге талпынып, Дархан жасырын төбелестер әлеміне тап болады. Сол жерде әкесінің бұрынғы шәкірті болған бір жасөспірімнің өмірін құтқарып қалады. Осылайша ол күтпеген жерден көше балаларына бапкер атанады. Олардың арасында бұрынғы ғашығының інісі де бар. Уақыт өте келе залды сақтап қалу ниеті жасөспірімдердің болашағы, әкесінің абыройы және Дарханның өз өмірін өзгерту мүмкіндігі үшін күреске айналады.

Сериалдың негізгі идеясы – шынайы күш агрессияда, зорлық-зомбылықта немесе қылмыстық қысымда емес, адамның өзін-өзі бақылау мен жауапкершілікті арқалауда екенін көрсету.

Сериал тәртіп, еңбек және өзін-өзі дамыту тақырыптарын көтереді — дәл осы құндылықтар өмірде берік тірек табуға көмектеседі.

Жобаның режиссері — бұған дейін «Qarga» сериалымен танылған Бейбіт Өнер. Оның айтуынша, «Тренер аға» ең алдымен тәлімгерлік туралы хикая:

«Дархан – тек боксты үйрететін бапкер емес. Ол жасөспірімдерге қиындықпен бетпе-бет келуді, шешім қабылдауды, қандай жағдайда да өз болмысын жоғалтпауды үйретеді. Біз спорт пен қолдаудың жас буынға жаңа мүмкіндіктер аша алатынын көрсеткіміз келді», – дейді режиссер.

Басты рөлді Қуаныш Құдайберген («Жаңбырлы ғұмыр», «Нурикамал», «Жұмбақ қыз» және басқа да жобалар) сомдады сомдады. Сериалда маңызды рөлдердің бірін «Qara Bekire», «Черный двор», «Приговор» жобалары арқылы танылған Дамир Амангельдин сомдайды. Сериалда камео рөлін Серік Сәпиев сомдады.

Түсірілімге дайындық барысында Қуаныш Құдайберген үш ай бойы арнайы физикалық және бокс жаттығуларынан өтті. «Қазақстанда бокс – жай ғана спорт емес, бұл мәдениеттің бір бөлігі. "Тренер аға" сериалы медаль мен жеңіс туралы емес. Бұл зал мен тренер жасөспірімнің өмірден баз кешкенде сүйенетін жалғыз тірегі екенін көрсететін туынды».

Ал бас продюсер Анара Жунусова сериалда физикалық күшті романтизациялаудан бас тартқанын атап өтті:

«Кей сәттерде мәселенің бәрі қаталдық пен қысым жасау арқылы шешілетіндей көрінеді. Алайда нағыз күш – тәртіпте, жауапкершілікте және адамның өзін-өзі бақылауда ұстай алуында. Спорт арқылы кейіпкер жасөспірімдерге тек қорғануды емес, өмірде өз жолын табуды үйретеді».

Сериалдың түсірілімі Пришахтинск ауданында, шынайы аулалар мен спорт залдарында өтті. Мұнда спорт көбіне көше агрессиясына қарсы жалғыз балама болып отыр.

Жекпе-жек көріністерінің қоюшы режиссері – Nomad Stunts халықаралық каскадерлер тобының мүшесі Канат Кудияров. Сериалда 150-ден астам адам қатысқан ауқымды жекпе-жек сахнасы бар, бұл отандық сериал өндірісіндегі ең ірі қойылымдардың бірі саналады.

Қазақстан Республикасында шығармашылық әлеуетті және киноиндустрияны дамытуға арналған STARTKINO қоғамдық бірлестігі сериалдың премьерасын дайындауға және Қарағандыда түсіру процесін ұйымдастыруға қатысты. Жеке көрсетілім ORTAU шығармашылық орталығының қолдауымен ұйымдастырылды.

«Тренер аға» сериалы сегіз сериядан тұрады, олар орыс субтитрлерімен қазақ тілінде түсірілген. Алғашқы сериялар енді Unico Play онлайн кинотеатры арқылы көрерменге жол тартты.

По информации Unico Play.