Қазақстанда бағаны ұстап тұру үшін жергілікті өндіріс ұлғаяды

"Азық-түлік тауарларының отандық өндірісін ұлғайтуға және ішкі нарықты қанықтыруға, тауар нарықтарындағы теңгерімсіздіктерді болдырмауға, өнімді тиімді сақтау және тасымалдау бойынша инфрақұрылымды дамытуға баса назар аударылатын болады. Осы жылдан бастап әлеуметтік маңызы бар азық-түлік тауарларының тізбесі 19-дан 31-ге дейін кеңейтілді. Табиғи монополиялар субъектілерінің қызметтеріне тарифтердің өсуінің инфляцияға әсері инфляцияның нысаналы параметрлеріне байланысты шектелетін болады",-деді вице-премьер Үкімет отырысында.

Оның айтуынша, жаңа Салық Кодексін енгізу жұмыстары үнемі бақылауда. Үкімет жанынан Салық кодексін енгізудің және реттеуші ортаны жеңілдетудің жобалық кеңсесі құрылады.

"Жобалық кеңсе Бизнестің өтініштері шоғырланатын, келісілген шешімдер қабылданатын және мемлекеттің бірыңғай ұстанымы қалыптастырылатын бірыңғай үйлестіру нүктесіне айналады. Барлық сындарлы ұсыныстар Мұқият зерделенетін болады, қорытындысы бойынша түзетулер енгізудің орындылығы мен қажеттілігі айқындалатын болады. Жобалық кеңсе Салық кодексінің жаңа нормаларына жанжалсыз және іркіліссіз бірқалыпты, болжамды және келісілген көшуді және реттеуші ортаны жеңілдетуді қамтамасыз етеді", - деп есептейді Жұманғарин.

Жоспарланып отырған шаралар ел халқының әл-ауқатының артуымен қатар жүретін одан әрі орнықты және сапалы өсу үшін база жасайды, деп атап өтті ол.

Оның айтуынша, еліміздің барлық 20 өңірінде 130 мыңға жуық бизнес өкілдерінің қатысуымен семинарлар ұйымдастырылды. 1500-ге жуық сұрақ келіп түсті, олар бойынша түсініктемелер берілді. Тұрақты кері байланыс қамтамасыз етілген. Салық кодексіне қол қойылған сәттен бастап 1 400 – ге жуық өтініш келіп түсті, оның 205-і ағымдағы жылдың басынан бастап.

Вице-премьердің айтуынша, бизнес сұрауларының көпшілігі қолданбалы сипатқа ие (салық режимін таңдау, ұзақ мерзімді шарттарды орындау), сондай-ақ жаңа нормаларды іс жүзінде қолдану мәселелері.