Қазақстандық фермерлерге мемлекеттік қолдаудың жаңа шараларын енгізуге уәде берді

Оның айтуынша, саланы ұзақ мерзімді дамыту мақсатында мал басын ұлғайтуды, өнімділікті арттыруды, қайта өңдеуді дамытуды және экспортты кеңейтуді көздейтін мал шаруашылығын дамытудың кешенді жоспарын әзірлеу басталды.

"Аталған жоспарға фермерлер мен инвесторларды ынталандыруға бағытталған мемлекеттік қолдау шаралары, оның ішінде айналым қаражатына жеңілдікпен кредит беру көлемін ұлғайту, асыл тұқымды мал басын сатып алу үшін жылдық 5-6% - ға өнімді іске қосу, "ДАМУ" Қоры арқылы кепілдіктер беру, жаңадан бастаған фермерлер үшін жер учаскелерін бөлу рәсімдерін оңайлату, мал шаруашылығы қызметкерлері үшін әлеуметтік шаралар, сондай – ақ шалғай аудандарда мал шаруашылығын дамыту", - делінген жауапта.

Ол сондай-ақ қазіргі уақытта бордақылау алаңдарының айналым қаражатын жеңілдікпен қаржыландырудың жаңа бағдарламасы іске қосылғанын атап өтті. Қаржыландыру көлемі шамамен 50 млрд теңгені құрайды, пайыздық мөлшерлеме-5%. Бұл бағдарламаға негізгі қызметі мал бордақылау болып табылатын кәсіпорындар қатыса алады.